کمبوڈیا نے چین کی جانب سے بنائے گئے 15 کروڑ ڈالرز مالیت کا نیا اسٹیڈیم کی بطور تحفہ موصول کرلیا.

انسائڈر کے مطابق چین کے وزیر خارجہ وینگ یی نے مورڈوک ٹیکنو نیشنل اسٹیڈیم باضابطہ طور پر کمبوڈیا کے وزیر اعظم کےحوالے کیا. چین نے یہ اسٹیڈیم 2013 میں بنانا شروع کیا تھا.

اسٹیڈیم سپردگی کی تقریب میں چینی وزیر خارجہ نے کہا کہ چین نے اس منصوبے میں پیسے اس لئے لگائے کیوں کہ یہ عرصے سے کمبوڈیا کا قریبی دوست ہے.

کمپوڈیا اسٹیڈیم کو2023 میں ہونے والے 32ویں جنوبی ایشین گیمز میں استعمال کرنے کا ارادہ رکھتا ہے.

کمبوڈیا کے وزیرِ سیاحت تھونگ کھون کا کہنا تھا کہ اسٹیڈیم کو ایک بڑی کشتی کے ڈیزائن میں بنایا گیا ہے جس کا مقصد چین اور کمبوڈیا کی دوستی کو واضح کرنا ہے کیوں کہ سیکڑوں برس قبل چینی لوگ کشتی کے ذریعے کمبوڈیا جایا کرتے تھے.