کابل:افغان کرکٹر راشد خان ٹی 20 کرکٹ ٹیم کی قیادت سے دستبردار ہو گئے اور وہ ٹی 20 ورلڈکپ میں کپتانی نہیں کریں گے۔

راشد خان نے قیادت چھوڑنے کا فیصلہ افغانستان کرکٹ ٹیم کے ٹی 20 ورلڈکپ اسکواڈ کے اعلان کے چند گھنٹوں بعد کیا جس کے بعد وہ ٹی ٹوئنٹی ورلڈکپ میں ٹیم کی کپتانی نہیں کریں گے۔

راشد خان نے کہا کہ ورلڈکپ کیلئے اعلان کردہ ٹیم میں میری مشاورت شامل نہیں تھی بطور کپتان ٹیم کی شمولیت کیلئے میری رائے ضروری تھی۔

راشد خان نے مزید کہا کہ میں افغانستان کی ٹی 20 ٹیم کی قیادت چھوڑنے کا اعلان کرتا ہوں، افغانستان کیلئے کھیلنا ہمیشہ ایک اعزاز کی بات رہی ہے۔