وزیر اعظم عمران خان کے مشیر جمشید اقبال چیمہ کے بچوں کی پراسرار طور پر حالت غیر ہوگئی، جس کے بعد انہیں فوری طور پر طبی امداد کے لیے اسپتال منتقل کرنا پڑا۔

وزیراعظم کے مشیر برائے زراعت فوڈ سیکیورٹی جمشید اقبال چیمہ کے خاندانی ذرائع کے مطابق بچوں کی حالت غیر ہونے پر دو بیٹوں کو نجی اسپتال منتقل کیا گیا جہاں ڈاکٹروں نے بچوں کے معدے کو واش کردیا ہے جس کے بعد ان کی حالت خطرے سے باہر بتائی جارہی ہے۔

خاندانی ذرائع کا کہنا ہے کہ پولیس نے مقدمہ درج کر کے گھر کے پانچ ملازمین کو حراست میں لے لیا ہے اور تفتیش شروع کردی ہے۔