کراچی میں بجلی کے بڑے بریک ڈاؤن کے باعث کےالیکٹرک کاسسٹم بیٹھ گیا اور شہر کو بجلی کی فراہمی معطل ہوگئی.

اطلاعات کے مطابق نیشنل گرڈ میں فنی خرابی کے باعث کراچی کا بڑا حصہ بجلی سے محروم ہوگیا.جام شوروہائی ٹینشن لائن ٹرپ کرگئی جس کے سبب کےالیکٹرک کاسسٹم بھی بیٹھ گیا اور 80 فیصد گرڈ اسٹیشنز بند ہوگئے۔

کےالیکٹرک کے 1900 میں سے 1400فیڈرز ٹرپ کرگئے. پلانٹس ٹرپ کرنے کے نتیجے میں شہر کو بجلی کی فراہمی بند ہوگئی ہے۔

بجلی کی بندش سے متاثر ہونے والے علاقوں میں پی آئی بی کالونی، گلشن اقبال، لیاقت آباد، ناظم آباد، نرسری، پی ای سی ایچ ایس، محمود آباد، منظور کالونی ،گلشن اقبال اور اسکیم 33 کے مختلف حصے، حسن اسکوائر اور اطراف کے علاقے بھی شامل ہیں۔

کے الیکٹرک کا ہیلپ لائن سسٹم118بھی بیٹھ گیا ہے جبکہ بجلی کے بریک ڈاؤن کے باعث شہریوں کو شدید گرمی میں مشکلات کا سامنا کرنا پڑرہا ہے۔

نیشنل گرڈ میں تکنیکی خرابی، جام شورو ہائی ٹینشن لائن ٹرپ، کے الیکٹرک کا سسٹم بیٹھ گیا، کراچی کا بڑا حصہ بجلی سے محروم۔۔۔ مزید جانیئے #AajNews #Karach #KarachBreakDown #KElectric pic.twitter.com/O9m0rhXkpE

— Aaj News (@aaj_urdu) September 1, 2021