ٹوکیو اولمپکس میں جیولین تھرو میں طلائی تمغہ جیتنے والے بھارت کے نیرج چوپڑا نے پاکستانی جیولین ایتھلیٹ ارشد ندیم کے ساتھ دوستانہ بات چیت کو منفی رنگ دینے پر بھارتی میڈیا کو کھری کھری سنا دیں.

23 سالہ نیرج نے ایونٹ میں 87.58 میٹر تھرو پھینک کر سونے کا تمغہ اپنے نام کیا.

نیرج چوپڑا نے ٹوئٹر پر ایک ویڈیو پیغام جاری کیا جس میں انہوں نے بھارتی میڈیا کو ان کے کمنٹس کو پروپیگنڈا کےلئے استعمال سے منع کیا.

انہوں نے واضح کیا کہ ارشد ندیم میرے جیولین سے چھیڑ چھاڑ نہیں کررہا تھا. وہ بس پریکٹس کررہا تھا اور کچھ نہیں.

نیرج نے مزید کہا کہ وہ اس پروپیگنڈا سے بہت مایوس ہیں.

I would request everyone to please not use me and my comments as a medium to further your vested interests and propaganda.
Sports teaches us to be together and united. I'm extremely disappointed to see some of the reactions from the public on my recent comments.

— Neeraj Chopra (@Neeraj_chopra1) August 26, 2021

انہوں نے مزید کہا کہ مقابلے کے دوران کھلاڑی عموما اپنے جیولین منتظمین کو دے دیتے ہیں اور انہیں مقابلے میں شریک کوئی بھی ایتھلیٹ استعمال کرسکتا ہے.

واضح رہے نیرج نے ٹائمز آف انڈیا کو انٹرویو دیتےہوئے کہا کہ فائنل کے شروع میں وہ اپنا جیولین ڈھونڈ رہے تھے اچانک دِکھنے پر معلوم ہوا کہ وہ ارشد ندیم کے پاس تھا. ان کےمانگنے پر ارشد ندیم نے انہیں دے دیا.