اسلام آباد:وفاقی وزیرداخلہ شیخ رشید نے بلوچستان میں سیکیورٹی فورسز پر دہشتگرد حملے کی مذمت کردی۔

سماجی رابطے کی ویب سائٹ ٹوئٹر پراپنے ٹویٹ میں وفاقی وزیر داخلہ شیخ رشید نے بلوچستان میں سیکیورٹی فورسز پر دہشتگرد حملے کی مذمت کرتے ہوئے کیپٹن کاشف کی شہادت پر افسوس کا اظہار کیا ہے۔

بلوچستان گجک میں آئی ای ڈی دھماکہ

گچک بلوچستان میں سکیورٹی فورسز کی گاڑی پر آئی ای ڈی سے دہشت گرد حملے کی مذمت

دہشت گردی واقعے میں کیپٹن کاشف کی شہادت کی اطلاع پردکھ کا اظہار

زخمی اہلکاروں کی جلد صحتیابی کے لئے دعا۔1/2

— Sheikh Rashid Ahmed (@ShkhRasheed) August 22, 2021

اپنے پیغام میں شیخ رشید کا کہنا تھا کہ اللہ تعالیٰ شہید کیپٹن کاشف کے درجات میں مزید بلندی عطا ءفرمائے ،دہشتگرد بزدلانہ کارروائیوں سے ہماری فورسز کے حوصلے پست نہیں کرسکتے او رہم دہشتگردوں کا پوری قوت کے ساتھ مقابلہ کررہے ہیں۔

اللہ تعالی شہید کیپٹن کاشف کے درجات میں مزید بلندی عطا فرمائے۔

دہشت گرد بزدلانہ کاروائیوں سے ہماری فورسز کے حوصلے پست نہیں کرسکتے۔

دہشتگردوں کا پوری قوت کے ساتھ مقابلہ کررہے ہیں۔ان کو شکست فاش دینگے۔ 2/2

— Sheikh Rashid Ahmed (@ShkhRasheed) August 22, 2021

وزیرداخلہ نے اپنے پیغام میں دہشتگردی کے واقعے میں زخمی ہونے والے اہلکاروں کی جلد صحتیابی کی دعا کرتے ہوئے دہشتگردوں کو شکست فاش دینے کے عزم کا اظہا ر بھی کیا۔