افغان سیاسی رہنماؤں کے آٹھ رکنی وفد نے جی ایچ کیو کا دورہ کیا اور آرمی چیف سے ملاقات کی۔آرمی چیف نے وفد پر واضح کیا کہ پاکستان کی افغانستان سے وسیع البنیاد تعلقات کی خواہش ہے۔

آئی ایس پی آر کے مطابق افغان سیاسی رہنماؤں کے وفد نے جی ایچ کیو کا دورہ کیا۔آرمی چیف کی 8 رکنی افغان وفد سے ملاقات ہوئی۔

وفد میں صلاح الدین ربانی،یونس قانونی، کریم خلیلی اور احمد ضیاء مسعود،استاد محقق، احمد ولی مسعود، عبداللطیف پدرم اور خلیل نور شامل ہیں۔

ملاقات میں افغانستان کی موجودہ صورتحال پر تفصیلی تبادلہ خیال کیا گیا۔

آرمی چیف نے کہاپاکستان کی افغانستان سے وسیع البنیاد تعلقات کی خواہش ہے۔پاکستان افغانستان کی ہرممکن مدد کےلئے تیار ہے۔