پاکستان میں آج بروز ہفتہ 75 ویں یوم آزادی کا جشن انتہائی پرجوش انداز میں منایا جارہا ہے، جہاں ملک کے عوام اپنے اپنے انداز میں اس دن کو منا رہے ہیں تو وہیں ملک کی سیلیبریٹیز بھی اس خوشی میں برابر کی شریک ہیں اور ملک سے اپنی محبت کا اظہار اپنے اپنے منفرد انداز میں کررہے ہیں۔

پاکستانی شوبز انڈسٹری سے جڑی کئی مشہور شخصیات نے یوم آزادی کے پیغامات شائع کیے ہیں۔ آئیے ایک نظر ان پر ڈالتے ہیں۔

٭ میکال ذوالفقار

اداکار میکا ذوالفقار نے یوم آزادی کے مقع پر خصوصی واٹر شو کی ایک ویڈیو شیئر کی۔

٭ نمرہ خان

نمرہ خان نے اپنی ایک ویڈیو قومی ترانے کی دھن پرجھنڈا لہراتے ہوئے پوسٹ کی اور ان ہزاروں لوگوں کو خراج تحسین پیش کیا جنہوں نے ملک کے لیے اپنی جانیں قربان کیں۔

٭ شرمین عبید چنائے

ہدایتکار نے اپنی پوسٹ میں پاکستان کی خواتین کو خراج تحسین پیش کرتے ہوئے لکھا، 'یہ یوم آزادی ہماری عورتوں کے لیے ایک تحفہ ہے جو سچ بولنے کی ہمت کرتی ہیں، جو انصاف کے لیے لڑتی ہیں، جو دوسری خواتین کے لیے دروازے کھولتی ہیں، جو جنگجو اور ٹریل بلیزر ہیں اور جو دوسری خواتین کو آزاد کرنے کے لیے کام کرتی ہیں۔ یہ مجھے امید دلاتی ہیں کہ ہم سب کے لیے بہتر آنے والا کل ہے۔'

٭ ایاز سمو

اداکار نے ایک منظر کی ویڈیو پوسٹ کی جس میں یوم آزادی کا شور شرابا دکھایا گیا ہے۔

٭ صبا قمر

اداکارہ نے یوم آزادی مناتے ہوئے جھنڈا تھامے اپنی تصویر پوسٹ کی۔

٭ احسن خان

معروف اداکار اور ٹی وی شو کے میزبان احسن خان نے کراچی میں قائد کے مزار کے سامنے پرچم لہراتے ہوئے اپنی ایک تصویر پوسٹ کی۔

٭ عائشہ عمر

جمعہ کی رات تقریبات زوروں پر تھیں اور اداکارہ سبز اور سفید رنگ میں روشن عمارت کی تصویر لینے میں کامیاب ہو گئیں۔

٭ جگن کاظم

ٹی وی شو کی میزبان جگن نے جھنڈے کے سامنے لی گئی اپنی تصویر پوسٹ کی۔

٭ زارا نور عباس

اداکار نے جمعہ کی رات ہونے والی آتش بازی کی ایک ویڈیو پوسٹ کی۔

٭ حسن رحیم

گلوکار حسن رحیم نے یوم آزادی کے موقع پر لہراتے ہوئے پرچم کو کیمرے میں قید کیا۔

٭ ہانیہ عامر

اداکارہ نے یوم آزادی کے موقع پر کراچی میں تین تلوار کی خوبصورت تصویر شائع کی۔

٭ ماورا حسین

اداکارہ ماورا نے یوم آزادی کی تقریبات کے ساتھ ساتھ مادر وطن کی سالگرہ منانے کے لیے سفید لباس پہنے تصاویر بھی پوسٹ کیں۔

٭ سنیتا مارشل

اداکارا کسی بھی تقریب کو منانے کا صحیح طریقہ جانتی ہیں۔انہوں نے یوم آزادی کے کیک کی تصویر شائع کی۔