وفاقی وزیرداخلہ شیخ رشید نے محرم الحرام کے دوران تمام عزاداران سے کورونا ایس او پیز کا خیال رکھنے کی اپیل کردی۔

اسلام آباد میں پریس کانفرنس کرتے ہوئے وزیرداخلہ شیخ رشید نےکہا کہ کسی کےعقیدے کوچھیڑیں گے نہ اپنا عقیدہ چھوڑیں گے۔محرم الحرام میں فول پروف سیکیورٹی کا اہتمام کر رہے ہیں، تمام عزادار این سی او سی کے ایس او پیزکوفالو کریں۔

انہوں نے بھارتی وزیرداخلہ کے بیان کومسترد کرتے ہوئے کہا کہ اسرائیل اور بھارت کی کوشش ہے پاکستان کواندرسےنقصان پہنچایا جائے۔این ڈی ایس اور اسرائیل کی کوششیں ناکام ہونگی۔

شیخ رشید نے بتایا کہ داسوحملے کے حوالے سے سیکیورٹی ایجنسی نے اپنی تحقیقات کومکمل کرلیا ہے۔افغانستان کی سیاست سے ہمارا کوئی تعلق نہیں۔

وزیرداخلہ نے نورمقدم قتل کیس میں ملوث تمام ملزمان کے نام ای سی ایل میں ڈالنے کا بھی بتایا۔