اسلام آباد:وزیراعظم عمران خان کا کہنا ہے کہ کوروناوباء کیخلاف ہماری حکمت عملی کو پوری دنیا نے سراہا،اللہ کے فضل سے پاکستان کورونا وباء کے بدترین اثرات سےمحفوظ رہا۔

وزیراعظم عمران خان کاسماجی رابطے کی ویب سائٹ ٹوئٹر پر اپنے ٹویٹ میں کہنا تھا کہ کورونا وباء کیخلاف ہماری حکمت عملی کو پوری دنیا نے سراہا،اللہ کے فضل سے پاکستان کورونا وباء کے بدترین اثرات سےمحفوظ رہا، میں این سی او سی کی ٹیم کو خراج تحسین پیش کرتا ہوں، جس نے کورونا وباء کخلا ف ہماری حکمت عملی کا مرکزی کردار ادا کیا۔

Our Covid 19 response strategy has been appreciated by the world and with the blessings of Allah has protected Pakistan from the worst effects of Covid. I want to pay tribute to the NCOC team which through its dedicated work has been the linchpin of our Covid response strategy.

— Imran Khan (@ImranKhanPTI) August 8, 2021

چاہتا ہوں کہ ہمارے پاکستانی نوجوان یہ ریس دیکھیں اور سبق سیکھیں،عمران خان

وزیراعظم نے اولمپک میں دوڑ کی ویڈیو ٹویٹ کرتے ہوئے کہا کہ میں چاہتا ہوں کہ ہمارے پاکستانی نوجوان یہ ریس دیکھیں اور سبق سیکھیں، اس ویڈیو میں وہ سبق ہے جو کھیلوں نے مجھے سکھایا، آپ تب ہارتے ہیں جب آپ ہار مانتے ہیں۔

میں چاہتا ہوں کہ ہمارے پاکستانی نوجوان یہ دوڑ دیکھیں اور اس میں سے وہ اہم ترین سبق حاصل کریں جو کھیل نے مجھے سکھایا ہے کہ: "آپ ہارتے تبھی ہیں جب آپ کوشش ترک کردیتے ہیں"۔
pic.twitter.com/a7UnCvnwSR

— Imran Khan (@ImranKhanPTI) August 8, 2021

آئندہ ایسے انتخابات ہوں گے جس کے نتائج تمام امیدوار قبول کریں گے،وزیراعظم

اس سے قبل وزیراعظم عمران خان نے الیکٹرک ووٹنگ مشین سے متعلق اپنے ٹوئٹ میں کہا کہ پاکستان کی بنائی ہوئی الیکٹرانک ووٹنگ مشین کا جائزہ لیا، مشین وزارت سائنس اینڈ ٹیکنالوجی نے تیار کی ، لگتا ہے آئندہ ایسے انتخابات ہوں گے جس کے نتائج تمام امیدوار قبول کریں گے۔

ہماری وزارت سائنس اینڈ ٹیکنالوجی کیجانب سےپاکستان میں تیارکردہ الیکٹرانک ووٹنگ مشینزکامعائنہ کرتےہوئے۔بالآخریہ دکھائی دینے لگاہےکہ پاکستان میں ہمیں ایسےانتخابات میسر آئیں گےجن میں حصہ لینےوالےتمام امیدوار نتائج تسلیم کرینگے۔ شبلی فراز اور انکی ٹیم کو مبارک۔pic.twitter.com/9UySGvhiU0

— Imran Khan (@ImranKhanPTI) August 8, 2021

وزیراعظم نے مزیدکہاکہ مشین کی تیاری پر وفاقی وزیرسائنس وٹیکنالوجی شبلی فراز اور ان کی ٹیم کو مبارکباد دیتا ہوں۔

وزیر اعظم عمران خان نے ٹوئٹر پر ووٹنگ مشین چیک کرنے کی تصویر بھی شیئر کی۔