وزیراعظم کے معاون خصوصی برائے صحت ڈاکٹر فیصل سلطان کہتے ہیں ویکسینیشن کا عمل بھرپور انداز میں جاری ہے اور کورونا وائرس کی روک تھام کےلئے یومیہ 10 لاکھ سے زائد افراد کو ویکسین لگائی جا رہی ہے۔یہ ملک میں وائرس پر قابو پانے کی کوششوں کی جانب ایک مثبت علامت ہے۔

کوئٹہ میں صحافیوں سے گفتگو کرتے ہوئے انہوں نے کہاکہ پاکستان کو کرونا کی چوتھی جان لیوا لہر کا سامنا ہے کیونکہ بھارتی قسم کے ڈیلٹا وائرس کی موجودہ لہر ماضی کے مقابلے میں تیزی سے پھیل رہی ہے۔

انہوں نے کہا کہ شکایت پورٹل بھی قائم کر دیا گیا ہے جہاں چند ہزار شکایات موصول ہوئیں اور ان میں سے زیادہ تر کو برقت حل کر دیا گیا ہے۔

انہوں نے کہا کہ وفاقی حکومت بلوچستان میں صحت کے شعبے کی بہتری کےلئے تمام ممکنہ امداد اورتعاون فراہم کرے گی۔

ریڈیو پاکستان