راولپنڈی :آرمی چیف جنرل قمرجاوید باجوہ کا کہنا ہے کہ مقبوضہ کشمیرمیں بدترین ریاستی جبراور غیر انسانی فوجی محاصرہ بدستورجاری ہے،تنازع کشمیرکاحل یو این قراردادوں کےمطابق ہونا چاہیئے، کشمیریوں کی امنگوں کے مطابق تنازع حل کے بغیر امن ممکن نہیں۔

بھارت کی جانب سے مقبوضہ کشمیر کی خصوصی حیثیت کے خاتمے کے 2 سال مکمل ہونے پر پاکستان بھر میں یومِ استحصالِ کشمیر منایا جارہا ہے جبکہ مقبوضہ وادی میں بھی مکمل ہڑتال ہے۔

پاک فوج کے شعبہ تعلقات عامہ (آئی ایس پی آر)کے ڈائریکٹر جنرل میجر جنرل بابر افتخار نے سماجی رابطے کی ویب سائٹ ٹوئٹر پر آرمی چیف جنرل قمرجاوید باجوہ کا یوم استحصال کشمیر کے موقع پر پیغام جاری کیا۔

“Continuation of inhuman military siege, machinations to bring demographic changes and gross violations of human rights and international laws are perpetuating humanitarian and security crises in IIOJ&K that imperil regional security. (1/2)

— DG ISPR (@OfficialDGISPR) August 5, 2021

آرمی چیف جنرل قمرجاوید باجوہ نے اپنے پیغام میں کہا کہ مقبوضہ کشمیر میں بدترین ریاستی جبر جاری ہے اور مقبوضہ وادی میں انسانی حقوق کی خلاف ورزیاں بحران پیدا کر رہی ہیں۔

آرمی چیف نے کہا کہ مقبوضہ کشمیر میں سلامتی بحران علاقائی امن کیلئے خطرہ ہے، کشمیری عوام کی خواہش اور اقوام متحدہ کی قراردادوں کے مطابق مسئلہ کشمیر کا حل خطے میں امن و استحکام کیلئے ضروری ہے، کشمیریوں کی امنگوں کےمطابق تنازع حل کے بغیر خطے میں دیرپا امن ممکن نہیں۔

...Resolution of #Kashmir dispute as per #UN Resolutions and aspirations of Kashmiri people is imperative for enduring peace and stability in the region”#COAS. (2/2)

— DG ISPR (@OfficialDGISPR) August 5, 2021

جنرل قمر جاوید باجوہ کا کہنا تھا کہ مقبوضہ کشمیر میں فوجی محاصرہ، ڈیموگرافک تبدیلی سیکیورٹی کرائسز پیداکررہی ہیں۔