اسلام آباد:وفاقی وزیرمنصوبہ بندی اور این سی او سی کےسربراہ اسد عمر نے بتایا کہ ملک میں ایک روز میں 10لاکھ افراد کی ویکسی نیشن کا ہدف عبور کرلیا۔

کورونا سے بچاؤ کیلئے ملک بھر میں کورونا ویکسی نیشن کا عمل تیزی سے جاری ہے ،وفاقی منصوبہ بندی اسد عمر نے سماجی رابطے کی ویب سائٹ ٹوئٹر پر ٹویٹ کرتے ہوئے کہا کہ خوشی ہے کہ ہم نے ایک روزمیں 10 لاکھ افراد کی ویکسی نیشن کا ہدف عبور کرلیا، گزشتہ روز 10 لاکھ 72 ہزار افراد کی ویکسی نیشن کی گئی، وفاقی اداروں کے تعاون سے ریکارڈ ویکسی نیشن ہورہی ہے۔

Happy to report that the target we had set for 1 million vaccinations in a day was crossed yesterday with 10 lakh 72 thousand vaccinations. All federating entities contributed with punjab, sind, kp and Islamabad all doing record numbers. Amazing performance by all involved

— Asad Umar (@Asad_Umar) August 3, 2021

اسدعمر نے مزیدکہا کہ پنجاب، سندھ، خیبرپختونخوا، اسلام آباد میں ریکارڈ ویکسی نیشن ہوئی، پشاور اور راولپنڈی میں 35، فیصل آباد میں 28 فیصد آبادی کو ویکسین لگ چکی ہے،لاہور، گوجرانوالہ، سیالکوٹ اور سرگودھا میں 27 فیصد آبادی کی ویکسی نیشن ہو چکی ہے جبکہ کراچی 26 اور حیدرآباد کی 25 فیصدآبادی کی ویکسی نیشن ہوچکی ہے۔

Islamabad has become the first city in Pak with a population of 1 million or more to get 50% of its eligible population vaccinated with at least one dose. Peshawar and pindi 35%, faislabad 28%, lahore/gujranwala /sialkot/sargodha 27%, karachi 26%, hyderabad 25%.

— Asad Umar (@Asad_Umar) August 3, 2021

اب تک ملک بھرمیں مجموعی طور پر 3کروڑ 19لاکھ29ہزار581 افراد کی ویکسی نیشن ہوچکی ہے جن میں سے 67 لاکھ20 ہزار918 افراد نے کامیابی کی ساتھ ویکسین کی دونوں خوراکیں لگوالی ہیں جبکہ2 کروڑ 52لاکھ8 ہزار سے زائد افرا د کو ویکسین کی پہلی خوراک لگ چکی ہے۔

حکومتی اعدادوشمار کے مطابق گزشتہ 24 گھنٹوں کے دوران 10لاکھ72 ہزار172 افراد کی ویکسی نیشن کی گئی، جن میں سے1 لاکھ92 ہزار991 افراد کو ویکسین کی دوسری خوراک لگائی گئی جبکہ8 لاکھ79 ہزار181 افراد کو ویکسین کی پہلی خوراک لگائی گئی۔

واضح رہے کہ حکومت کا رواں سال کے آخر تک7کروڑ شہریوں کی ویکسی نیشن مکمل کرنے کا ہدف مقرر ہے۔