وزیراعظم عمران خان نے کہا ہے کہ حکومت معاشرے کے کمزور طبقے کی بہبود کےلئے جلد کامیاب پاکستان پروگرام کا آغاز کرے گی۔

وزیر اعظم نے پہر کے روز اسلام آباد میں انٹیریئر،تعمیرات اور الیکٹریکل اور الیکٹرانکس کی تین روزہ ایکسپو کی اختتامی تقریب سے خطاب کیا.

وزیراعظم عمران خان نے کہا کامیاب پاکستان پروگرام کے تحت ہر خاندان کے ایک فرد کو فنی تربیت اور صحت کارڈ اور بلاسود قرضہ دیا جائےگا۔وژن نادار افراد کو غربت سے نجات دلانا ہے۔

انہوں نے کہا برآمدات کی صنعت کو مراعات دی جا رہی ہیں تاکہ ملک میں غربت کے خاتمے کےلئے فنڈز فراہم کئے جا سکیں۔

وزیراعظم نے کہا حکومت نے سستے گھر بنانے کا پروگرام شروع کیا ہے تاکہ کم آمدن والے افراد کو اس قابل بنایا جا سکے کہ ان کا اپنا گھر ہو۔ سستے گھر تعمیر کرنے والی پالیسی سے تعمیرات کی صنعت کو فروغ ملے گا۔

عمران خان نے کہا کہ عالمی حدت کے اثرات سے نمٹنے کےلئے ملک میں جنگلات کو فروغ دینا بھی ان کی ترجیحات میں شامل ہے۔

انہوں نے مزید کہا کہ ہر شہر کا ماسٹر پلان ہو گا اور شہروں میں درخت لگانے کی حوصلہ افزائی کی جائیگی۔

ریڈیو پاکستان