سندھ کی صوبائی وزیربرائے ترقی نسواں شہلارضا کا کہناہےکے گیلپ سروے کے مطابق ملک میں 53 فیصد لوگ مہنگائی سے متاثر ہوئے ہیں۔خودداری اورقرضہ نا لینے کی باتیں کرنے والوں نے ملک کو آئی ایم یف کے پاس گروی رکھ دیا ہے۔

صوبائی وزیر شہلا رضا کا کہنا تھا کےحکمراں جماعت کو کشمیر کے الیکشن میں کراچی کی بارشیں یاد آرہی ہیں۔گلگت بلتستان میں دھاندلی کے باوجود پی ٹی آئی سادہ اکثریت حاصل نہیں کر سکی تھی۔طالبان سوات اور دیگر علاقوں میں پھیلتے جا رہے ہیں جو باعث تشویش ہے۔

انہوں نےکہاویڈیوز وائرل ہورہی ہیں جس میں رقوم بانٹی جارہی ہیں۔آپ پیسے کےاستعمال سے شاید جیت جائیں. آپ کے کیمپ سے خواتین کی بے عزتی کی گئی۔ان کے خلاف نازیبا الفاظ استعمال کیے گئے۔خواتین کے خلاف وہ لوگ بولتے ہیں جن کے اپنے گھر میں خواتین کی عزت نہیں ہوتی۔

شہلارضا نے کہا کہ پاکستان میں جو قدریں رہ گئی ہیں برائے مہربانی انہیں رہنے دیں۔ خواتین چاہے نواز شریف کے گھر کی ہوں یا آپ کے گھر کی قابل عزت ہیں۔