پاکستان سول ایوی ایشن اتھارٹی نے حالیہ ہفتوں میں پروازوں کی منسوخی کے ذریعے مسافروں کے لئے تکلیف کا باعث بننے پر غیر ملکی ائیرلائنز قطر ایئر ویز، ترکش ایئر لائن، امارات ایئر لائن ، اتحاد ایئر ویز اور فلائی دبئی کو نوٹس جاری کردیے۔

متاثرہ مسافروں کو رہائش، کھانے اور مالی نقصان کی صورت میں تکلیف اور زہنی تناؤ کا سامنا کرنا پڑ رہا ہے۔

سول ایوی ایشن اتھارٹی نے غیر ملکی ائیر لائنز کو آٹھ جولائی تک مسافروں کے تمام مسائل حل کرنے کی مہلت دی ہے۔

بصورت دیگر سول ایوی ایشن اتھارٹی ان ائیر لائنز کے خلاف سخت تادیبی کارروائی کا حق رکھتی ہے۔