سینئر پاکستانی اداکار وسیم عباس نے وزیراعلیٰ پنجاب کی معاون خصوصی فردوس عاشق اعوان کے حوالے سے دلچسپ بیان دیا ہے۔

بیٹے علی عباس کے ہمراہ نجی ٹی وی کے شو میں شرکت کے دوران شو میزبان نے وسیم عباس کو ایک دلچسپ صورتحال پیش کرتے ہوئے ان سے سوال کیا کہ کشتی میں 3 افراد بیٹھے ہیں۔ ایک فردوس عاشق اعوان، ایک جاوید چوہدری اور ایک وسیم عباس۔ لیکن کشتی میں اچانک ہی اعلان کیا جاتا ہے آپ 3 افراد میں سے کسی ایک کو اترنا پڑے گا بصورت دیگر کشتی الٹ جائیگی۔

جس پر وسیم عباس نے کہا کہ میں دعوے کے ساتھ کہہ سکتا ہوں کہ فردوس صاحبہ ہم تینوں کو الٹا دیں گی کیوں کہ ان کا چہرہ عورتوں والا اور مکا مردوں والا ہے۔