کراچی: سندھ حکومت نےکورونا کیسز میں کمی کے بعد صوبے بھر میں چھٹی سے آٹھویں تک تدریسی عمل کل سے شروع کرنے کا اعلان کردیا۔

سماجی رابطے کی ویب سائٹ ٹوئٹر پر جاری بیان میں سندھ کے وزیرتعلیم سعید غنی نے کہا کہ کورونا ٹاسک فورس کے اجلاس میں منظوری کے بعد سندھ بھر میں چھٹی سے آٹھویں تک تدریسی عمل 15 جون سے شروع کردیا جائے گا جبکہ صورتحال کی بہتری پر پرائمری تا پانچویں تک تدریسی عمل 21جون سے شروع کردیا جائے گا۔

سندھ کرونا ٹاسک فورس کے اجلاس میں چھٹی سے آٹھویں جماعت تک کی کلاسز کل بروز منگل 15 جون سے %50 حاضری کیساتھ کھولنے کا فیصلہ کیا گیا ہے اور کرونا کی صورتحال میں مزید بہتری آنے کی صورت میں پرائمری کلاسز 21 جون سے شروع کردی جائینگی۔ اسکولوں کے سارے عملے کو vaccinated ہونا لازمی ہوگا

— Senator Saeed Ghani (@SaeedGhani1) June 14, 2021

سعید غنی نے ٹویٹ میں مزید کہا کہ تمام کلاسزمیں حاضری کا تناسب 50فیصدہوگا جبکہ اسکولزکےتمام عملےکی ویکسی نینہ ہونا لازمی ہوگا۔