ابوظہبی :پاکستان سپر لیگ (پی ایس ایل )کے چھٹے ایڈیشن میں کراچی کنگز کے بابراعظم نے ملتان سلطانزکے محمد رضوان کو پیچھے چھوڑ دیا، پی ایس ایل 6 میں سب سے زیادہ رنز بنانے والے کھلاڑی بن گئے۔

پی ایس ایل6 کے بقیہ میچز ابوظہبی میں کھیلے جارہے ہیں، ابوظہبی میں گزشتہ روز کھیلے گئے میچ میں کراچی کنگز اور ملتان سلطانز کی ٹیمیں مدمقابل تھیں جس میں ملتان سلطانز نے کراچی کنگز کو شکست سے دوچار کیا۔

میچ میں بابراعظم نے 63 گیندوں پر 85 رنز بنائے، جس کے بعد بابراعظم سب سے زیادہ رنز بنانے والے کھلاڑی بن گئے،جس کے بعد انہوں نے ملتان سلطانزکے کپتان محمد رضوان کو پیچھے چھوڑ دیا۔

بابراعظم نے ابھی تک 6 میچز کھیل کر328 رنز بنائے ہیں جبکہ ملتان سلطانز کے کپتان محمد رضوان 326 رنز بنا کر دوسرے نمبر پر ہیں۔