کینیڈامیں ٹرک سے کچل کرقتل کیےجانے والے پاکستانی خاندان کی یاد میں اونٹاریو کی لندن مسلم مسجد کے احاطے میں ہزاروں افراد کااجتماع ہواجس میں وزیراعظم جسٹن ٹروڈو نے بھی شرکت کی۔

پاکستان سے14 سال قبل ہجرت کر کے کینیڈا منتقل ہونے والے خاندان کو خراج عقیدت پیش کرنے کےلئے اونٹاریو کی لندن مسلم مسجد کے باہر ہزاروں کی تعداد میں ہر رنگ، نسل اور مذہب کے افراد شامل تھے۔

مسجد کے باہر منعقد تعزیتی تقریب میں وزیراعظم ٹروڈو اور حزب اختلاف کے لیڈروں نے پہلی بارایک ساتھ شرکت کی۔

تعزیتی تقریب میں جاں بحق ہونے والے فزیوتھراپسٹ سلمان،ان کی والدہ، اہلیہ مدیحہ اور بیٹی یمنیٰ کی موت پر ہر شخص اداس نظر آیا اور بیٹےفیض کی صحتیابی کےلئے لوگوں نے دعا کی۔

سوشل میڈیا پر جسٹن ٹروڈو نے تقریب میں شرکت کی تصاویر شیئر کرتے ہوئے لکھا کہ ’ان لوگوں کےلئے جو افضال گھرانے کو جانتے ہیں، اس بیٹے کےلئے زندہ بچ گیا ہے، لندن میں اور کینیڈا میں موجود مسلمانوں کےلئے، ہر اس شخص کےلئے جو اس واقعے پر غمزدہ، غصہ یا خوفزدہ ہے. آپ اکیلے نہیں ہیں، ملک بھر میں موجود لوگ آپ کے غم میں آپ کے ساتھ کھڑے ہیں۔'

To those who knew the Afzaal family, to the son who survived, to Muslims in London and in communities across Canada, to everyone who feels sad or angry or afraid: You are not alone. Canadians across the country are mourning with you and standing with you - tonight, and always. pic.twitter.com/MqMj1kKeTC

— Justin Trudeau (@JustinTrudeau) June 9, 2021

کینیڈین وزیر اعظم جسٹن ٹروڈو نے واقعہ کو دہشتگردی قرار دیتےہوئے کہا کہ خطرات کا شکاربرادریوں کا تحفظ کیا جائےگا اور ہم منافرت کا مقابلہ کریں گے۔