ڈہرکی :گھوٹکی ٹرین حادثے کے بعد ریسکیوآپریشن مکمل کرلیا گیا،32گھنٹےبعد اپ اورڈاؤن ٹریک بحال کردیئے گئے،ٹرینوں کی روانگی جاری ہے۔

گزشتہ روز گھوٹکی میں ڈہرکی کے قریب ہونے والے المناک ٹرین حادثے کے 32گھنٹے بعد حادثے کے مقام پر دونوں ٹریک بحال کردیئے گئے ہیں۔

حادثے کے مقام سے ٹرینوں کی روانگی شروع ہوگئی،گرین لائن ایکسپریس کراچی روانہ ہوگئی۔

گھوٹکی ٹرین حادثہ:جاں بحق افراد کے ورثاءکو 15لاکھ روپے امدادی رقم دینے کا اعلان

دوسری جانب وفاقی حکومت نے گھوٹکی ٹرین حادثے میں جاں بحق افراد کے ورثا ءکو 15لاکھ روپے امدادی رقم دینے کا اعلان کردیا۔

وزیرریلوےاعظم سواتی نے کہا کہ حادثے میں جاں بحق افرادکےورثاءکو15لاکھ اور زخمیوں کو 50ہزار روپےدیےجائیں گے۔

ترجمان ریلوے کے مطابق جاں بحق افرادمیں سے 9کی شناخت نہیں ہوسکی۔