اسلام آباد:حکومت نے 18سال سےزائد عمر کے افراد کی ویکسی نیشن کا فیصلہ کیا ہے، رجسٹریشن کا آغاز 3جون سے ہوگا۔

سماجی رابطے کی ویب سائٹ ٹویٹر پر اپنی ٹویٹ میں وفاقی وزیر منصوبہ بندی اسد عمر کا کہنا تھا کہ نیشنل کمانڈ اینڈ آپریشن سینٹر کے اجلاس میں 18سال سے زائد عمر افراد کی ویکسی نیشن کا فیصلہ کیا گیا ہے، 18سال سے زائد عمر افراد کی ویکسی نیشن کیلئے رجسٹریشن 3جون سے شروع ہوگی۔

In today's NCOC meeting it was decided to start scheduling vaccination of registered 18 plus from thursday the 3rd of june. With this step the vaccination of all eligible age groups would be carried out. Please register as soon as possible

— Asad Umar (@Asad_Umar) May 31, 2021

این سی او سی حکام کا کہنا ہے کہ اب تمام عمر کے اہل افراد ویکسی نیشن عمل میں داخل ہوگئے ، ویکسین لگوانے کیلئے تمام اہل افراد خود کو جلد سے جلد رجسٹریشن کروائیں ۔

‏بھارت میں کورونا اموات کی تعداد 236فی ملین آبادی ہے،اسد عمر

اسلام آباد:وفاقی وزیر منصوبہ بندی وترقی اسد عمر کا کہنا ہے کہ ‏بھارت میں کورونا اموات کی تعداد 236فی ملین آبادی ہے، اگربھارت کی کورونا اموات کی شرح آبادی کے تناسب سے وہی ہوتی جوپاکستان کی ہے توبھارت میں 2لاکھ اموات کم ہوتیں ۔

نیشنل کمانڈ این آپریشن سینٹر(این سی او سی )کے سربراہ اور وفاقی وزیرمنصوبہ بندی وترقی اسد عمر نے سماجی رابطے کی ویب سائٹ ٹوئٹر پر اپنے ٹویٹ میں پاکستان اور بھارت میں کورونا سے ہلاکتوں کا تناسب پیش کرتے ہوئے بتایا کہ بھارت میں کورونا سے ہلاک ہونے والوں کی تعداد 236فی ملین آبادی ہے،پاکستان میں یہ شرح 92 فی ملین آبادی ہے۔

بھارت میں کرونا سے ہلاک ہونے والوں کی تعداد 236 فی ملین آبادی ہے. پاکستان میں یہ شرح 92 فی ملین ہے. اگر بھارت کی کرونا اموات کی شرح آبادی کے تناسب سے وہی ہوتی جو پاکستان کی ہے، تو بھارت میں 2 لاکھ اموات کم ہوتیں. اللہ کا شکر ادا کریں، حفاظتی تدابیر پر عمل کریں اور ویکسین لگوائیں

— Asad Umar (@Asad_Umar) May 31, 2021

اسد عمرنے مزید کہا کہ اگربھارت کی کورونا اموات کی شرح آبادی کے تناسب سے وہی ہوتی جوپاکستان کی ہے توبھارت میں 2لاکھ اموات کم ہوتیں ،اللہ کا شکرادا کریں،حفاظتی تدابیرپرعمل کریں اور ویکسین لگوائیں۔