وفاقی وزیرمنصوبہ بندی اسدعمر نے کہا ہے کہ گردشی قرضہ رواں مالی سال جولائی تا اپریل 260 ارب رہا جو گزشتہ مالی سال اسی دورانیے میں 449 ارب تھا، گردشی قرضے میں 189 ارب کی کمی ہوئی۔

ٹوئٹرپیغام میں اسدعمر کاکہنا تھا رواں سال مجموعی طور پر 100 ارب روپے تک گردشی قرضہ بننے کی توقع ہے۔جو ن لیگ کی حکومت کے آخری سال سے کم ہے۔ ن لیگی حکومت کے فیصلوں کے باعث بڑے کیپسٹی چارجز کے باوجود گردشی قرضے میں اتنی امپرومنٹ آئی۔

اسدعمرنے کہا وزیر اعظم عمران خان کی حکومت نے پرفارمنس میں امپرومنٹ کی، انرجی سیکٹر کی پرفارمنس میں یہ امپرومنٹ اور گردشی قرضوں میں کمی اعداد و شمار پرمبنی فیصلے ،فیصلہ سازوں اور طاقتور اشرافیہ میں گھٹ جوڑ ختم کر کے ہوا۔