اسلام آباد:وزیرا عظم عمران خان کل سے سعودی عرب کا 3روزہ دورہ کریں گے ، ترجمان دفترخارجہ نے وزیر اعظم کے دورہ کی تصدیق کردی،پاکستان اور سعودی عرب کے مابین متعدد معاہدوں اورتعاون کی یاداشتوں پر دستخط بھی کئے جائیں گے ۔

ترجمان دفترخارجہ کے کہ وزیر اعظم عمران خان سعودی ولی عہد شہزادہ محمد بن سلمان کی دعوت پردورہ کررہے ہیں۔

وزیر اعظم کے ہمراہ وفاقی وزیر خارجہ ، کابینہ ارکان سمیت اعلیٰ سطحی وفد بھی ریاض جائے گا،دورہ سعودی عرب کے دوران دونوں ممالک کے درمیان اقتصادی وتجارتی تعاون، سرمایہ کاری اورتوانائی کے امورپرگفتگوکی جائے گی۔

ترجمان دفترخارجہ کا کہنا تھا کہ دونوں ممالک کے درمیان پاکستانی افرادی قوت کیلئے روزگار کے مواقع اوربہبود پربھی تبادلہ خیال ہوگا۔

پاکستان اور سعودی عرب کے مابین متعدد معاہدوں اورتعاون کی یاداشتوں پر دستخط بھی کئے جائیں گے ۔

ترجمان دفترخارجہ زاہد حفیظ نے بتایا کہ وزیراعظم عمران خان دورے کے دوران اسلامی تعاون تنظیم اور ورلڈ مسلم لیگ کے سیکرٹری جنرلز سے بھی ملاقات کریں گے ۔