وفاقی وزیر برائے پلاننگ اینڈ ڈیولپمنٹ اسد عمر نے آج نیوز کے پروگرام آج رانا مبشر کے ساتھ میں گفتگو کے دوران کہا کہ عمران خان بڑے لیڈر ہیں، وہ کبھی بلیک میل نہیں ہوں گے۔

اسد عمر نے کہا کہ کام میں رکاوٹ ڈالی گئی تو دوبارہ مینڈیٹ لینے عوام کے پاس چلے جائیں گے۔

انہوں نے مزید کہا کہ کہا کہ خیبرپختونخوا حکومت میں بھی کچھ رہنماؤں نے الگ گروپ بنایا تھا۔ عمران خان نے اُن کو ملاقات کیلیے بلایا اور پھر واضح کردیا کہ کچھ بھی ہوجائے بلیک میل نہیں ہوگا، بلکہ اسمبلیاں توڑ دوں گا۔

اسد عمر کے بیان کے بعد سوشل میڈیا پر بحث چھڑ گئی۔ وفاقی وزیر اسد عمر کو خود بھی ٹویٹ کرنا پڑ گیا۔

اُن کا کہنا تھا کہ عمران خان سیاست دان نہیں بلکہ لیڈر ہیں اور وہ اقتدار کیلیے سیاست میں نہیں آئے، اقتدار صرف عوام کی خدمت کا ذریعہ ہے۔