وزیر اعلیٰ پنجاب کی معاون خصوصی ڈاکٹر فردوس عاشق اعوان نے کہا کہ بیروزگاری کے چیلنج سے نمٹنے کیلئے اخوت نے حکومت کے ساتھ ملکر 86 ارب کے فنڈز فراہم کئے ہیں۔ روزگار کے مواقع میں اضافے کیلئے حکومت ہر ممکن سہولت کرے گی۔

وزیر اعلیٰ پنجاب کی معاون خصوصی ڈاکٹر فردوس عاشق اعوان نے لاہور میں اخوت فاؤنڈیشن کا دورہ کیا۔

اس موقع پر ان کا کہنا تھا کہ اخوت فاونڈیشن ایسا کام کر رہی جس کی ملک کو اشد ضرورت ہے۔ ہنرمند طبقے میں ریکوری 99 فیصد سے زائد ہے لیکن ان افراد کو ہنر کیساتھ ساتھ حکومت کی بھی ضرورت ہوتی ہے۔ اخوت ابتک 86 ہزار افراد کو سپورٹ کر چکی ہے اور یہی حقیقی تبدیلی ہے۔

ڈاکٹر فردوس عاشق کا مزید کہنا تھا کہ اخوت کے 631 سینٹرز سے قرضے حاصل کرنے والے 51 فیصد مرد جبکہ 49 فیصد خواتین ہیں، وزیراعلیٰ عثمان بزدار نے اخوت فاونڈیشن کے فنڈز میں اضافے کا فیصلہ کیا ہے۔