پاکستان نے پہلے ٹی ٹوئنٹی میں زمبابوے کو گیارہ رنز سے شکست دے دی۔ ایک سو پچاس رنز کے تعاقب میں میزبان ٹیم ایک سو اڑتیس رنز بناسکی۔ بیاسی رنز کی شاندار اننگز کھیلنے والے محمد رضوان میچ کے بہترین کھلاڑی رہے۔

محمد رضوان اوربولرزنے لاج رکھ لی۔ زمبابوے کو پہلے ٹی ٹوئنٹی میں گیارہ رنز سے شکست گرین شرٹس کو ایک صفر کی برتری۔

دعوت پر پاکستان کی بیٹنگ لڑکھڑائی۔ کپتان بابر، فخر اور حفیظ جلد وکٹیں گنوابیٹھے۔ حیدر، ڈیبیو پر دانش اور فہیم نے بھی مایوس کیا۔

رضوان وکٹوں پر چٹان بن کر ڈٹے رہے۔ اکسٹھ گیندوں پر بیاسی رنز کی اننگز کھیلی۔ ٹوٹل بمشکل سات وکٹوں پر ایک سو انچاس تک پہنچا۔

تعاقب میں میزبان ٹیم نے بھرپور فائٹ کی۔ اروین اور جونگ وے نے ٹف ٹائم دیا۔ رنزبنے تو قومی بولرز وکٹیں بھی لیتے رہے۔

عثمان قادر نے تین اور حسنین نے دو شکارکیے۔ زمبابوین ٹیم سات وکٹوں پر ایک سو اڑتیس تک محدود رہی۔