بینکنگ کورٹ لاہور نے جعلی بنک اکاؤنٹ کیس میں تحریک انصاف کے رہنماء جہانگیر ترین اور علی ترین کی 7 اپریل تک ضمانت منظور کرلی۔ چینی اسکینڈل کیس میں جہانگیر ترین اور علی ترین کی ضمانت 10 اپریل تک منظور۔

بینکنگ کورٹ لاہور کے جج امیر محمد خان نے جعلی بنک اکاؤنٹ کیس میں تحریک انصاف کے رہنما ءجہانگیر ترین اور علی ترین کی عبوری ضمانت منظور کی۔

عدالت نے فریقین کے وکلاءکے دلائل سننے کے بعد ایف آئی اے کو جہانگیر ترین اور علی ترین کو 7 اپریل تک گرفتار کرنے سے روک دیا۔

عدالت نے جہانگیر ترین اور علی ترین کو 5، 5 لاکھ روپے کے مچلکے جمع کروانے کا حکم دیتے ہوئے سماعت ملتوی کر دی۔

چینی اسکینڈل کیس میں ضمانت کےلئے جہانگیر ترین اور علی ترین سیشن کورٹ لاہور کے روبرو پیش ہوئے۔

ایڈیشنل سیشن جج حامد حسین نے کیس کی سماعت کرتے ہوئے جہانگیر ترین اور علی ترین کی ضمانت 10 اپریل تک منظور کرلی۔