ڈالر کی قیمت میں مسلسل گراوٹ کے باعث انٹربینک میں ڈالر دو سال کی کم سطح ایک سو ترپن روپے ستر پیسے پر اگیا،

رواں سال اب تک امریکی کرنسی کی قیمت میں چھ روپے تیرہ پیسے کی نمایاں کمی ہوئی، لیکن اشیا کی قیمتوں میں کوئی کمی نہ آئی، شہری کہتے ہیں جب ڈالر بڑھتا ہے تو مہنگائی بھی بڑھ جاتی ہے، اب ڈالر سستا ہونے کا فائدہ کیوں نہیں مل رہا۔

ڈالر کی بادشاہت کا خاتمہ بتدریج ہورہا ہے اور پاکستانی روپیہ مضبوط سے مضبوط تر ہوتا جارہا ہے۔

رواں ماہ ڈالر کی قیمت چار روپے تینتیس پیسے اور رواں سال چھ روپے تیرہ پیسے کم ہوئی، لیکن اس کا فائدہ عوام کو نہ پہنچ سکا۔

شہری کہتے ہیں اب تو ڈآلر سستا ہے پھر مہنگائی کم کیوں نہیں ہورہی۔ ڈالر کی قیمت میں کمی کے بعد نہ صرف پاکستان کا درآمدی بل کم ہوگیا، بلکہ بیرونی قرضوں میں بھی اربوں روپے کمی ہوگئی۔