دفترخارجہ نے کہا ہےکہ وزیر خارجہ شاہ محمود قریشی کل سے تین روزہ دورے پر دوشنبہ روانہ ہوں گے اور 30 مارچ کو ہارٹ آف ایشیاء کانفرنس میں پاکستان کی نمائندگی کریں گے۔وزیرخارجہ افغان امن عمل میں پاکستان کی مثبت کردار، افغان ترقی پر اظہار خیال کریں گے ۔وزیرخارجہ علاقائی اور بین الاقوامی شراکت داروں سے مشاورت بھی کریں گے۔

تاجکستان میں نوویں ہارٹ آف ایشیاء استنبول پراسیس وزارتی کانفرنس کےحوالے سے ترجمان دفترخارجہ زاہدحفیظ چوہدری نے کہا ہے کہ وزیر خارجہ شاہ محمود قریشی کل سے تین روزہ دورے پر دوشنبہ روانہ ہوں گے اور 30 مارچ کو ہارٹ آف ایشیاء کانفرنس میں پاکستان کی نمائندگی کریں گے۔وزارتی اجلاس سے قبل 29 مارچ کو اعلی حکام کا اجلاس ہو گا جبکہ وزارتی کانفرنس کا موضوع 'امن و ترقی کےلئے اتفاق رائے کو مضبوط بنانا' ہے۔

ترجمان دفترخارجہ کاکہناتھا کہ وزیر خارجہ افغان امن عمل میں پاکستان کی مثبت کردار، افغان ترقی پر اظہار خیال کریں گے۔وزیر خارجہ علاقائی اور بین الاقوامی شراکت داروں سےمشاورت بھی کریں گے۔پاکستان ہارٹ آف ایشیاء استنبول پراسیس کو بہت اہمیت دیتا ہے۔وزیر خارجہ اپنےدورے میں تاجک قیادت کےساتھ ملاقاتیں کریں گے۔وزیرخارجہ تاجک ہم منصب سراج الدین مہردین سے ملاقات اوروفود کی سطح پر مذاکرات کریں گے۔پاکستان وسطی ایشیائی ممالک کے ساتھ قریبی برادرانہ تعلقات کو انتہائی اہمیت دیتا ہے۔

ترجمان کا کہناتھا کہ وزیر خارجہ کا دورہ تاجکستان کے ساتھ متعدد شعبوں میں تعلقات کو فروغ دےگا۔