جماعت اسلامی کے زیرِاہتمام کراچی کے حقوق کےلئے حق دوکراچی ریلی نکالی گئی۔قائدآباد منزل پمپ سے شروع ہونے والی ریلی مختلف علاقوں سے گزرتی ہوئی گورنر ہاؤس فوارا چوک تک پہنچی۔

اس موقع پرحافظ نعیم الرحمان نے کارکنوں سے خطاب کرتے ہوئے کہا کہ کراچی شہرکودودھ دینےوالی گائے سمجھتے ہیں ۔دودھ لےجاتے ہیں مگرچارہ کوئی نہیں کھلاتا۔

حق دو کراچی کو کے عنوان سے ٹی شرٹ پہنچے کارکن پارٹی پرچم اٹھائے قافلوں کی صورت ریلی میں شامل ہوتے رہے۔

حافظ نعیم نے کہا کہ ایم کیوایم اورپی ٹی آئی نےکراچی کی پیٹ میں چھراگھونپاہے ۔کراچی کےہرنوجوان سےکہتا ہوں ہمارےایجنڈے کےساتھ کھڑےہوجائیں۔