پیپلز پارٹی سینٹرل پنجاب کے صدر قمر زمان کائرہ کہتے ہیں پی ڈی ایم کے ساتھ ملکر بیٹھنے کو تیار ہیں۔ میڈیا کے ذریعے پیغام رسانی مناسب طریقہ نہیں، جو باتیں میٹنگ میں ہونی چاہئیں وہ میٹنگ میں ہی اچھی لگتی ہیں۔

پیپلزپارٹی کےمرکزی رہنمافیصل کریم کنڈی اور پیپلزپارٹی سینٹرل پنجاب کےصدر قمرزمان کائرہ نے میڈیا سے گفتگو کرتے ہوئے کہا کہ میڈیا کے ذریعے کی جانے والی باتیں ابہام پیدا کرتی ہیں۔ میٹنگ میں ہونے والی باتیں میٹنگ میں ہی اچھی لگتی ہیں۔

وسطیٰ پنجاب کے صدر کا کہنا تھا کہ اپوزیشن لیڈر کا عہدہ بہت بڑا نہیں مگر کچھ باتیں اصول کی ہوتی ہیں۔

پیپلزپارٹی کےمرکزی رہنما فیصل کریم کنڈی کہتے ہیں کہ ہم لانگ مارچ کےلئے تیار تھے مگر استعفوں کو اسکے ساتھ مشروط کردیا گیا۔