ڈرگ ریگولیٹری اتھارٹی نے روسی ویکسین کی دو خوراکوں کی قیمت 8200 سے 9 ہزار کے درمیان مقرر کرنے کی سفارش بھی کردی۔

ذرائع وزارت صحت کے مطابق چین سےملنے والی کورونا ویکسین کی کھیپ میں سے پنجاب کو ڈیڑھ لاکھ، سندھ کو95 ہزار، خیبرپختونخوا کو 60 ہزاراور بلوچستان کو15ہزارویکسین ڈوز فراہم کی گئی ہیں۔وفاقی دارالحکومت کی انتظامیہ کو10ہزار،آزاد کشمیر اور گلگت بلتستان کو بھی 10،10ہزار ڈوز فراہم کیےگئے ہیں۔چین سے کورونا ویکسین کی اگلی کھیپ جلد آنے کا امکان ہے۔

دوسری جانب ڈریپ پرائسنگ بورڈنےروسی ساختہ ویکسین اسپٹنک کی قیمت پراپنی سفارشات دےدیں ہیں۔روسی ویکسین کی دونوں خوراکوں کی قیمت تجویزکردی گئی ہے۔ دونوں خوراکوں کی قیمت 8200 سے 9 ہزار کے درمیان مقرر کرنے کی سفارش کی گئی ہے۔ویکسین کی قیمت کی حتمی منظوری وفاقی کابینہ دے گی۔