سابق وزیراعظم چوہدری شجاعت حسین کہتے ہیں کہ مہنگائی نے عوام کی کمر توڑ کر رکھ دی ہے۔ وزیراعظم کو چاہیے کو عوام کے مسائل ترجیہی بنیادوں پر حل کروائیں۔ کمیٹیاں ہردور میں بنی ہیں لیکن ان کی رپورٹیں آج بھی سرد خانے میں پڑی ہوئی ہیں۔

مسلم لیگ ق کے سربراہ چودھری شجاعت حسین نے ایک بیان میں کہا ہے کہ وزیراعظم عمران خان سپیکر قومی اسمبلی کی سربراہی میں بننے والی کمیٹی کو عوام کے مسائل ترجیح بنیادوں پر حل کرنے کا حکم دیں۔

انہوں نے مزید کہا کہ حکومت سب سے پہلے اپنی تجاویز میں یہ دیکھییں کہ مہنگائی اور بے روزگاری کی وجہ کیا ہے، یہ کیسے پیدا ہوئی اور کس نے پیدا کی۔

ان کا مزید کہنا تھا کہ کمیٹی دیکھے مہنگائی کو دور کرنے اور ووٹوں کو نوٹوں سے بچانے کیلئے کیا اقدامات کیے جائیں۔ وزیراعظم عمران خان کو چاہیے کہ وہ وقت کا تعین کریں ورنہ یہ کمیٹی بھی کارپوریشن کمیٹی بن کے رہ جائے گی۔

مارشل لا کے متعلق سابق وزیراعظم نے کہا کہ بے شک مارشل لاء سے اختلافات ہو سکتے ہیں لیکن اس دور میں قیمتوں پر کنٹرول اور مہنگائی کے خاتمے کے لئے پہلے دو ہفتوں میں اقدامات کیے گئے تھے ۔