لاہور کی انسداد دہشتگردی عدالت نے جیل ٹرائل کے دوران موٹروے خاتون زیادتی کیس کا فیصلہ محفوظ کر لیا-

انسداد دہشتگردی عدالت کے جج ارشد حسین بھٹہ نے کیس کی سماعت کوٹ لکھپت جیل میں کی، ملزم عابد ملہی اور شفقت علی کے بیان قلمبند کے گئے۔

پراسیکیوشن کی جانب سے مقدمہ میں 37 گواہان کے بیانات قلمبند کرائے گئے، جرح مکمل ہونے کے بعد عدالت نے فیصلہ محفوظ کر لیا، جو 20 مارچ کو کوٹ لکھپت جیل میں سنایا جائے گا۔ 8 اور 9 ستمبر 2020 کی درمیانی شب کو لاہور سے گوجرانوالہ جاتے ہوئے گجرپورہ کے قریب خاتون سے ڈکیتی اور اجتماعی زیادتی کا واقع منظر عام پر آیا تھا۔

واقعے کا شریک ملزم شفقت علی 14 ستمبر جبکہ مرکزی ملزم عابد ملہی کو 12 اکتوبر کو مانگا منڈی سے گرفتار کیا گیا تھا-