وزیراعظم عمران خان کی زیر صدارت وفاقی کابینہ کا اجلاس ہوا ہے،

اجلاس میں یوٹیلیٹی سٹورز کیلئے 7 اعشاریہ 8 ارب کے رمضان پیکج کی منظوری دی گئی ، وفاقی وزیر فواد چوہدری کہتے ہیں استعفے کی بات وہ جماعتیں کررہی ہیں جن کا کوئی اسٹیک نہیں ، الیکشن کمیشن مستعفی نہ ہوا تو ہر قانونی آپشن استعمال کریں گے۔

اجلاس میںوفاقی وزیر صنعت و پیدوار حماد اظہر کہتے ہیں رمضان المبارک میں 19 ایشیا پر سبسڈی دی جائے گی

وزیر سائنس و ٹیکنالوجی فواد چوہدری کا کہنا تھا کہ پی ڈی ایم سیاسی یتیموں کا گروہ ہے، استعفوں کی بات وہ جماعتیں کررہی ہیں جن کا سسٹم میں کوئی اسٹیک نہیں، پیپلز پارٹی اور ن لیگ نے اگر ایسا کیا تو ان کے ارکان ساتھ کھڑے نہیں ہونگے۔

فواد چوہدری بولے الیکشن کمیشن کا کام سینیٹ الیکشن میں کرپٹ پریکٹسسز روکنا تھا جس میں وہ ناکام ہوگیا، الیکشن کمیشن مستعفی نہ ہوا تو توہین عدالت سمیت تمام قانونی آپشن استعمال کریں گے۔

کابینہ اجلاس میں کورونا کیسز میں اضافے پر تشویش کا اظہار کیا گیا، اجلاس میں وزیراعظم عمران خان نے کورونا ایس او پیز پر سختی سے عملدرآمد کی ہدایت کی۔