اسلام آباد:وزیراعظم عمران خان نے کہا ہے کہ پاکستان تحریک انصاف کی ماحولیاتی پالیسیوں کوعالمی سطح پر سراہا جارہا ہے، کورونا کے دوران گرین ریکوری پروگرام کی تعریف کی گئی۔

وزیراعظم عمران خان نے سماجی رابطے کی ویب سائٹ ٹوئٹر پر اپنے ٹویٹ میں کہا کہ پی ٹی آئی کی ماحولیاتی پالیسیوں کوعالمی سطح پرسراہاجارہاہے،کوروناکےدوران گرین ریکوری پروگرام کی تعریف کی گئی،عالمی ادارے پاکستانی اقدامات کے معترف ہیں۔

وزیر اعظم نے مزید کہا کہ گرین ریکوری پروگرام اورکلائمیٹ ایکشن پلان کو عالمی سطح پر پزیرائی ملی۔

عمران خان نے اپنے پیغام کے ساتھ ورلڈ اکنامک فورم کی جانب سے پاکستان کی ماحول دوست کوششوں پر بنائی گئی ایک منٹ 21سیکنڈز کی ویڈیو بھی شیئر کی۔

Globally PTI's environment policies are being recognised esp our green recovery programme from the Covid 19 pandemic and our Climate action plan. pic.twitter.com/cHuCzCj2yQ

— Imran Khan (@ImranKhanPTI) March 14, 2021