اسلام آباد:اپوزیشن نےسینیٹ کے پولنگ بوتھ میں خفیہ کیمرے لگانے کا دعویٰ کردیا۔

ایوان بالا کے بڑے عہدے کے انتخاب سے پہلے چوری پکڑی گئی،2کیمرے اورایک ڈیوائس برآمد کرلی گئی۔

ایوان بالا کا اجلاس شروع ہونے سے پہلے مسلم لیگ (ن)کے رہنماءمصدق ملک اور پیپلز پارٹی کے رہنماءمصطفیٰ نواز کھوکھر ایوان میں پہنچے ۔

اپوزیشن رہنماؤں نےسینیٹ کےایوان کے پولنگ بوتھ کے اندرڈیوائس اورپولنگ بوتھ کے اوپر کیمرے لگے ہونے کی نشاندہی کی جبکہ دونوں ارکان نے ٹوئٹرپرکیمرےکی تصاویر شیئرکردیں۔

اپوزیشن نے الزام حکومت پر لگاتے ہوئے کہاکہ دوخفیہ کیمرے تھے،ایک کا رخ پرچی تودوسرے کا رخ ووٹر کی طرف تھا ، ایک ڈیوائس بھی تھی۔

اپوزیشن نے معاملے کی مکمل تحقیقات کا مطالبہ کرتےہوئے کہاکہ سیکیورٹی کی چیئرمین سینیٹ کی ذمے داری تھی ،سپریم کورٹ کے فیصلے اورالیکشن ایکٹ کی دھجیاں اڑائی گئیں ،ملوث اراکین کو نااہل قرار دیا جائے ۔

پیپلز پارٹی کے رہنماء مصطفیٰ نواز کھوکھر نے کہا کہ کس کے کہنے پر پولنگ بوتھ میں کیمرے لگائے گئے؟کردارسامنے آنے چاہئیں،سینیٹ الیکشن کیلئے خفیہ کیمرے لگانا سینیٹ الیکشن چوری کرنے کے مترادف ہے،پرایزائیڈنگ افسر پر اس معاملے کی تحقیقات کی ذمہ داری عائد ہوتی ہے۔

Myself and Dr Musadik found spy cameras right over the polling booth!!!! pic.twitter.com/aqRGFRYFbq

— Mustafa Nawaz Khokhar (@Mustafa_PPP) March 12, 2021

مسلم لیگ ن کے رہنماء مصدق ملک نے کہا کہ الیکشن کمیشن معاملے کا نوٹس لے،یہ آرٹیکل 62 اور 63 کا کیس بنتا ہے،جس نے کیا اسے تاحیات نااہل قرار دیا جائے، سینیٹ الیکشن کو ڈسکہ نمبر 2بنانے کی کوشش کی گئی۔

What a freaking joke
The senate polling booth has secret /hidden cameras installed
SO MUCH FOR DEMOCRACY pic.twitter.com/S7OapMhZtn

— Dr. Musadik Malik (@DrMusadikMalik) March 12, 2021

شازیہ مری نے کہا کہ سینیٹ ہال سے کیمرہ برآمد ہوا ہےجہاں ووٹ کاسٹ کیاجاناتھاوہاں سےکیمرہ برآمد ہوا،حکومت اوچھے ہتھکنڈوں پراتری ہوئی ہے،سینیٹ ہال میں ووٹنگ کی جگہ پرکیمرہ نصب کیاگیاتھا۔

وفاقی وزیراطلاعات شبلی فراز نے الزام اپوزیشن پر لگاتے ہوئے کہاکہ ایوان میں کیمرہ اپوزیشن نے لگوایا ہے،ایوان میں لگے کیمرے اور ڈیوائس اتار لی گئیں ۔