کولمبو: وزیراعظم عمران خان کی کاوشیں رنگ لے آئیں، سری لنکا کی حکومت نے کورونا سے جاں بحق مسلمانوں کی میتوں کی تدفین کی اجازت دے دی۔

تفصیلات کے مطابق وزیراعظم عمران خان نے سری لنکن قیادت سے اس بارے میں بات کی تھی کہ مسلمانوں کی لاشوں کو جلانے کے حکم کو ختم کرکے انہیں اسلامی طریقہ کار کے مطابق تدفین کی اجازت دی جائے۔

موجودہ اقدام پر وزیراعظم عمران خان نے ٹوئٹر پر سری لنکن قیادت کا شکریہ بھی ادا کیا۔

واضح رہے کہ اس سے قبل سری لنکا میں کورونا سے ہلاک مریضوں کی لاشوں کو جلانے کا قانون نافذ تھا۔