کراچی: پاکستان سپر لیگ سیزن سکس کے آٹھویں میچ میں پشاور زلمی نے کوئٹہ گلیڈی ایٹرز کیخلاف ٹاس جیت کر پہلے فیلڈنگ کرنے کا فیصلہ کرلیا۔

تفصیلات کے مطابق نیشنل اسٹیڈیم کراچی میں ٹاس جیت کر سامنے والی ٹیم کو بیٹنگ کی دعوت دینے کی روایت جاری، پشاور زلمی کے کپتان وہاب ریاض نے ٹاس جیت کر پہلے سرفراز احمد کی کوئٹہ گلیڈی ایٹرز کو بیٹنگ کی دعوت دیدی۔

پشاور زلمی کی ٹیم میں کوئی تبدیلی نہیں کی گئی جبکہ کوئٹہ گلیڈی ایٹرز کی ٹیم میں اس میچ کیلئے تین اہم تبدیلیاں کی گئی ہیں۔ کرس گیل، ٹام بینٹن اور انور علی کی جگہ فاف ڈوپلیسی، کیمرون ڈیلپورٹ اور ڈیل اسٹین کو شامل کیا گیا ہے۔