موجودہ دور میں دیکھا جائے تو ہر دوسرا یا تیسرا شخص ہی اپنے معدے میں خرابی کی شکایت کرتا نظر آتا ہے۔ کسی شخص کا کھانا کھا کر پیٹ پھولنے لگتا ہے تو کسی کے سینے میں جلن شروع ہوجاتی ہے۔

آج آپ کو شیف گلزار پیٹ کے مسائل سے متعلق انتہائی شاندار ٹوٹکا بتانے جارہے ہیں۔ اس ٹوٹکے پر عمل کرکے سالوں یا مہینوں میں نہیں بلکہ دنوں میں معدے کے مسائل سے چھٹکارا حاصل کیا جاسکتا ہے۔ پیٹ کی بیماریوں سے چھٹکارے کیلئے آپ کو کیا کرنا ہوگا، ذیل میں ملاحظہ کریں۔

اجزاء:

کڑی پتّا۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ایک گھٹی

پودینہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔کڑی پتّے کی مقدار کے برابر

ہری مرچ۔۔۔۔۔۔۔۔۔۔۔۔۔۔۔۔۔۔۔۔۔۔۔ایک سے دو عدد

دیسی لہسن۔۔۔۔۔۔۔۔۔۔۔۔۔۔۔۔۔۔۔۔پانچ جوے

دیسی ادرک۔۔۔۔۔۔۔۔۔۔۔۔۔۔۔۔۔۔ایک انچ کا ٹکڑا

نمک۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔حسبِ ضرورت

املی کا گودا۔۔۔۔۔۔۔۔۔۔۔۔۔۔۔۔دو کھانے کے چمچ

ترکیب:

ان تمام اجزاء کو بلینڈر میں اچھی طرح سے مکس کرلیں اور اسے ہر کھانے اور ناشتے کے ساتھ دو چمچ کھائیں، آپ کو زیادہ انتظار نہیں کرنا پڑے گا اور کچھ ہی دن میں گیسز وغیرہ سے نجات مل جائے گی، پیٹ پھولنا بند ہوجائے گا اور معدہ بھی زبردست طریقے سے اپنا کام انجام دینے لگے گا۔