کراچی: پاکستان سپر لیگ کے افتتاحی معرکے میں کوئٹہ گلیڈی ایٹرز کی ٹیم نے دفاعی چیمپئن کراچی کنگز کو جیت کیلئے 122 رنز کا ہدف دے دیا۔

تفصیلات کے مطابق نیشنل اسٹیڈیم کراچی میں کھیلے جارہے میچ کا ٹاس کراچی کنگز کے کپتان عماد وسیم نے جیتا اور پہلے کوئٹہ گلیڈی ایٹرز کو بیٹنگ کی دعوت دی۔ کوئٹہ کی ٹیم بڑا اسکور کرنے میں ناکام رہی اور 19 ویں اوور میں محض 121 رنز پر آل آؤٹ ہوگئی۔

کوئٹہ گلیڈی ایٹرز کے کرس گیل 39 رنز بناکر نمایاں رہے، اس کے علاوہ اعظم خان 17 اور قیس احمد 16 رنز بناسکے۔ کراچی کے ارشد اقبال نے شاندار بولنگ کرتے ہوئے 3، وقاص مقصود نے 2 جبکہ محمد عامر، ڈینیئل کرسچن، عامر یامین اور عماد وسیم ایک ایک کھلاڑی کو چلتا کیا۔