وزیراعظم نے وفاقی کابینہ کا اجلاس کل طلب کرلیا ، کابینہ معاشی، سیاسی ، سلامتی کی صورتحال کا جائزہ لے گی ۔ سینٹ انتخابات کے لئے امیدواروں کے چناؤپرکابینہ کو اعتماد میں لیا جائے گا۔

وزیراعظم عمران خان کی زیر صدارت وفاقی کابینہ کا اجلاس کل ہوگا۔ وزیراعظم، کابینہ کو دورہ سری لنکا کے حوالے سے اعتماد میں لیں گے۔ ملازمین کو تنخواہوں مں فرق کم کرنے کے الاؤنس کی منظوری دی جائے گی۔

کابینہ اسلام آباد ایئرپورٹ تک میٹروبس منصوبے کا جائزہ لے گی۔

کابینہ کو چیئرمین ٹاسک فورس آئی ٹی اینڈ ٹیلی کام بریفنگ دیں گے۔ پاکستان انسٹیٹیوٹ آف مینجمنٹ کے بورڈ آف گورنرز کی تشکیل نو کی منظوری دی جائے گی ۔

وفاقی کابینہ این ٹی ڈی سی کے ایم ڈی کی تعیناتی کی منظوری دے گی ۔ کابینہ کمیٹی ادارہ جاتی اصلاحات کے گزشتہ اجلاس کے فیصلوں کی توثیق کرے گی۔نیشنل ٹرانسمیشن اینڈ ڈسپیچ کمپنی کے ایم ڈی کی تقرری کی منظوری دی جائے گی ۔