وزیر اعلی کی معاون خصوصی فردوس عاشق اعوان کہتی ہیں کہ لیگی قیادت جس وزیر اعظم کو نکالنے کیلئے کالا کوٹ پہن کر سپریم کورٹ گئی اب اسی کو سینیٹ میں پہنچانے کیلئے زور لگا رہی ہے، جعلی راج کماری اداروں کو متنازعہ بنانا چاہتی ہیں۔

صوبائی وزیر آبپاشی محسن لغاری کے ہمراہ مشترکہ پریس کانفرنس میں فردوس عاشق اعوان نے کہا کہ پی ڈی ایم کی ناکامی کے بعد نون لیگ پر مایوسی کے بادل چھائے ہوئے ہیں، جعلی راجکماری اداروں کو متنازعہ بنانے کی بجائے ہمت کریں اور نام لیں۔

فردوس عاشق اعوان کا کہنا تھا کہ وہ اس بیماری کی تلاش میں ہیں جو شریف خاندان کے ساتھ جڑی ہیں، دراصل انھیں کرپشن کا کینسر لاحق ہے جس کے علاج کیلئے باہر جانا چاہتے ہیں۔

وزیر آبپاشی محسن لغاری کا کہنا تھا کہ پنجاب میں نہری پانی کے ضیاع کو روکنے اور اس کے بہتر استعمال کیلئے انقلابی تبدیلیاں لائی جا رہی ہیں۔