تحریک انصاف کی مبینہ ممنوعہ غیرملکی فنڈنگ کی تحقیقات کےلئےاسکروٹنی کمیٹی کےاجلاس میں درخواست گزاراکبر ایس بابر نے تحریک انصاف کے چار ملازمین کے بینک اکاونٹس کی تفصیلات اسٹیٹ بینک سے منگوانے کا مطالبہ کردیا۔

الیکشن کمیشن میں تحریک انصاف کی مبینہ ممنوعہ غیرملکی فنڈنگ کی تحقیقات کےلئےاسکروٹنی کمیٹی کا اجلاس ہوا جس میں درخواست گزار اکبر ایس بابر جبکہ تحریک انصاف کے وکیل شاہ خاورپیش ہوئے۔

اسکروٹنی کمیٹی کے سربراہ ڈی جی لاء مصروفیت کے باعث اجلاس میں شرکت نہ کر سکے۔دو رکنی اسکروٹنی کمیٹی نے اکبر ایس بابر کے اعتراضات کا جائزہ لیا۔

ذرائع کے مطابق اکبر ایس بابر کا ملازمین کے بینک اکاونٹس کی تفصیلات اسٹیٹ بینک سے منگوانے کا مطالبہ کردیا۔

اکبر ایس بابرکا کہنا تھا تحریک انصاف نے 2011 میں ان ملازمین کو اجازت دی تھی کہ وہ ذاتی اکاؤنٹس میں پیسے لیں۔ ہمارا مطالبہ ہے ان چارملازمین کے اکاونٹس کی تفصیلات سامنے آنی چاہییں۔

اسکروٹنی کمیٹی کے سربراہ کے غیرموجودگی کے باعث کمیٹی نے اس پر کوئی فیصلہ نہیں کیا۔