بھارت کے بنگالی اداکار اندراجیت دیب دل کا دورہ پڑنے کے باعث 73 برس کی عمر میں چل بسے۔

بھارتی میڈیا کے مطابق اداکار اندراجیت کی موت شہر کے جنوبی حصے میں واقع ان کی رہائش گاہ گول پارک میں ہوئی۔

اداکار کے لواحقین کا کہنا ہے کہ اندراجیت طویل عرصے سے دل کی بیماری کے علاوہ سی او پی ڈی (پھیپھڑوں) اور گردوں کی بیماری میں بھی مبتلا تھے۔

واضح رہے کہ اندراجیت دیب کی اہلیہ کا انتقال گزشتہ برس ہوا تھا اور ان کی کوئی اولاد نہیں تھی۔

اداکار اندراجیت دیب نے کیریئر کا آغاز مقبول ٹی وی سیریل "تیرو پربون" سے کیا۔ اس کے علاوہ وہ مقامی زبان کی ویب سیریز "کروناموئے رانی رسمونی" میں بھی اہم کردار میں نظر آئے۔

شوبز سے تعلق رکھنے والے اندراجیت کے دیگر ساتھی فنکاروں نے ان کی موت پر غم کا اظہار کیا ہے۔