اسلام آباد:وزیراعظم عمران خان نے اداکارہ نیلوبیگم کی وفات پرافسوس کا اظہار کیا ہے۔

وزیراعظم عمران خان نے سماجی رابطے کی ویب سائٹ ٹوئٹر پر اداکار شان سے ان کی والدہ کی وفات پر اظہار تعزیت کی اورمرحومہ کی مغفرت اورلواحقین کیلئےصبرجمیل کی دعاکی۔

My condolences and prayers go to @mshaanshahid on the passing of his mother.

— Imran Khan (@ImranKhanPTI) January 31, 2021

یاد رہے کہ معروف اداکار شان کی والدہ نیلو بیگم کافی عرصے سے کینسر کےمرض میں مبتلا تھیں اور وہ گزشتہ روز 76 برس کی عمر میں انتقال کرگئیں تھیں۔

نیلو بیگم 29 جون 1945 کو پنجاب کے شہر بھیرہ میں پیدا ہوئیں اور 1974میں ریاض شاہد سے رشتہ ازواج میں منسلک ہوئیں۔

نیلو بیگم نے اپنے فنی کیریئر میں دوشیزہ، عذرا، زرقا، بیٹی، ڈاچی اور جی دار جیسی یادگار فلموں میں کام کیا جبکہ اداکارہ نیلو بیگم کی نماز جنازہ آج ادا کی جائے گی۔

وزیراعظم عمران خان کا شاہدگوندل کےانتقال پر اظہارافسوس

دوسری جانب وزیراعظم عمران خان نے سماجی رابطے کی ویب سائٹ ٹوئٹر پر شاہدگوندل کےانتقال پرافسوس کااظہارکیا ۔

Saddened to learn of Shahid Gondal's passing. He was one of our most loyal workers who stood with us during our struggle against the political mafias. My condolences & prayers go to his family.

— Imran Khan (@ImranKhanPTI) January 30, 2021

وزیراعظم کا کہنا تھا کہ شاہدگوندل پارٹی کےوفادارکارکن تھے،شاہدگوندل سیاسی مافیاکیخلاف ہمارے ساتھ کھڑےرہے، میری دعائیں اور ہمدردیاں ان کے اہلخانہ کے ساتھ ہیں۔