اسلام آباد ہائیکورٹ نے پاکستان تحریک انصاف کی رکن اسمبلی کنول شوزب کو شہری کے ساتھ جھگڑے کا معاملہ حل کرنے کی ہدایت کر دی۔

رکن اسمبلی کنول شوزب کی جسٹس آف پیس کامقدمہ درج کرنے کے حکم کخلا ف درخواست پر سماعت اسلام آباد ہائیکورٹ میں ہوئی۔

اسلام آباد ہائیکورٹ نے کنول شوزب کے وکیل کو شہری کے ساتھ معاملہ حل کرنے کی ہدایت کی تو کنول شوزب کے وکیل شاہ خاور نے رضا مند ی ظاہر کرتے ہوئے کہا کہ عدالت کچھ وقت دے ہم اس ایشو کے حل کیلئے تیار ہیں۔

چیف جسٹس اطہر من اللہ نے ریمارکس دیئے کہ ہم نے دیکھا ہے ایف آئی اے نے جس طرح اختیار کا غلط استعمال کیا، عدالت ابھی تک اس معاملے میں کوئی آرڈر جاری کرنے سے تحمل کا مظاہرہ کر رہی ہے۔

اسلام آباد ہائیکورٹ نے کنول شوزب کیخلاف مقدمہ درج کرنے سے روکنے کے حکم میں 27 جنوری تک توسیع کر دی۔