دنیا کی دوسری بلند چوٹی کے ٹو پر سرمائی مہم جوئی کے دوران اسپین سے تعلق کوہ پیما سیرگیو مینگریوٹ گر کر جاں بحق ہوگئے۔

غیر ملکی کوہ پیما کے ٹو کیمپ ون سے واپس بیس کیمپ آرہے تھے کہ اچانک پھسل کر کرویس میں گرگیا، غیر ملکی کوہ پیما کی ڈیتھ باڈی کو تاحال نہیں نکالا جاسکا۔

ذرائع کے مطابق جاں بحق کوہ پیما کی ڈیتھ باڈی گہری برفانی کھائی میں گری ہے جو ریسکیو کرنا ممکن نہیں۔

رواں سال سرمائی مہم کے دوران جاں بحق ہونے کا پہلا واقعہ ہے، اس سے پہلے 3 کوہ پیما کو بیمار ہوکر ریسکیو کرلیا گیا ہے۔