سندھ حکومت نے ملک میں ٹماٹر کی درآمد پر پابندی اور پیاز کی برآمد کی اجازت کے لیے وفاقی حکومت کو خط لکھ دی۔

خط کے متن کے مطابق سندھ میں اس سال پیاز اور ٹماٹر کی اچھی پیداوار متوقع ہے لہٰذا ٹماٹر کی درآمد پر پابندی کے لیے ضروری اقدامات اٹھائے جائیں۔

وزیر زراعت سندھ اسماعیل راہو کی جانب سے لکھے خط میں کہا گیا ہے کہ وزارت تجارت اور وزارت فوڈ سیکیورٹی پیاز ایکسپورٹ کی اجازت بھی دے۔

صوبہ سندھ پیاز اور ٹماٹر کی پیداوار میں پہلے نمبر پر ہے۔

خط کے مطابق ٹماٹر کی درآمد اور پیاز کی برآمد نہ ہونے سے قیمتوں میں کمی ہوئی ہے۔ وفاق کی ناقص پالیسی سے مقامی کسانوں کو فصل کی لاگت بھی نہیں مل رہی۔

صوبائی دارالحکومت کراچی میں اس وقت ٹماٹر کم سے کم 80 روپے اور پیاز 40 روپے فی کلو میں فروخت ہو رہا ہے۔